仔女都是寶

事前聲明，寫這篇文章並不是想討論生男還是生女好，因為在我而言仔女都是寶 :)

自從五年前第一天知道Little K的性別後，就開始聽到各方面不同的聲音跟我說：你會唔會想追返個仔？你老公係咪鐘意仔多d? 點解唔生多個可能會係仔呢？你唔駛幫你老公繼後香燈？其實你自己鐘意仔定女？

也有人跟我說：生女係蝕本貨黎架!!!

彷彿期待著我的答案是跟她們想像的一樣。

好吧，既然大家都對我有的是女兒而充滿意見和問題，那我就詳詳細細的給大家分享一下我的想法：）

問題一：你會唔會想追返個仔？

我的答案：如果我選擇生多個既，絕對唔會係因為"追"仔而生，因為我地真係男女都無所謂，其實你問Little K既話，佢一定答你佢鐘意姐姐妹妹多過哥哥弟弟。同埋我覺得有個女真係好sweet️(當然我知道有好多小男生都係好sweet啦️）

問題二：你老公係咪鐘意仔多d?

我的答案：似乎你比我更了解我老公？(笑）我記得佢係Little K仲係bb時講過一句：我覺得有個女好好，我真係好鐘意佢️

問題三：點解唔生多個可能會係仔呢？

我的答案：天父安排俾我地既小朋友都係緣份，你會唔會因為你小朋友唔係仔而唔鐘意佢？孩子係自己既，仔女都一定咁愛錫。

問題四：你唔駛幫你老公繼後香燈？

我的答案：我地生小朋友唔係為繼後香燈，所以唔會有呢個想法。

問題五：其實你自己鐘意仔定女？

作為一個媽媽，由你知道孩子在你肚中成長的一刻，只要他/她健康成長，你是根本不會在乎其他一切，還記得醫生跟我聽著肚中孩子心跳的一刻，那感覺多奇妙多神奇，當時我還幼稚的問醫生：這是我的心跳還是bb的？

還有每次產檢時看著螢光幕見到她小小的身體慢慢長大時，你會介意孩子是男或女嗎？

順帶一提，我的女兒並不是貨物，所以她絕對不會令我蝕本的，如果要計較的話，我想世上就不會有這麼多無私的父母吧 :)

好吧

分享完畢

下次再見

以下是我們fb 的page :)

https://www.facebook.com/littlekworld/

 大家如想找我們

可去fb page pm或是Email聯絡我們

kongtsangtsang@gmail.com